حكايات شباب روش

حكايات شاب روش
الحلقه الاولي

كالعادة وكل يوم استيقظ من النوم الساعة الرابعة عصرا ياااااه انا
صاحى بدرى انهاردة لالالالالالالا كدة اليوم هيبوظ انا انام شوية
كمان لسه بدرى...خ خ خ ......
قووووم يلا كفاية نووووم هية لوكاندة هنا ولا ايـــــــة....!!
اية يا مامى فية اية على الصبح كدة لسة بدرى سبينى انام شوية
يالهوووووووى انت هتجننى تنام اية ولسة بدرى اية وصبح اية
الساعة 4 العصر يا حبيب قلب مامى قوم يلا علشان تتغدى معنا
لالالالالالا غداء اية انا عامل دايت ومش ينفع اكل خالص
على الصبح كدة بوصى ناولينى علبة السجاير دى اولع سجارة
يالهوووووووى يا بنى حرام عليك سجاير على ريق النوم كدة
انت موش عارف كدة غلط على صحتك وممكن يحصلك بعيد يا شر
يلا حبيب قلب مامى من جوه قوم غير ريقك بشية فاكهة من الثلاجة
بوص فى تفاح بابا جايبة امبارح بليل قوم كلك تفاحتين الاول وبعدين
اشرب سجاير زى ما انت عاوز طب خلاص خليك فى سريرك يا روح
مامى وانا هجبلك تفاح هنا استنى زى ما انت متولعش سجاير علشان خاطرى
ماشى يا مامى بس بسرعة وحياتى عندك يلا هات اكل تفاحة علشان انا خرمان
عاوز اولع سجارة اصطبح بيها بسرعة علشان عاوز انزل اروح اتفرج على الماتش
امسك يا روح قلب مامى خد غير ريقك بدول عقبال ما احضرلك الغداء يلاااااا
اية ده!! ده تفاح مصرى موش امريكانى وعمله بس تصحى فية ووقوم قوم قوم
ماشى مقبولة منك مع انى مبكولش غير التفاح الاحمر الامريكانى موش ده
يا بنى حرام عليك امريكانى اية وزفت اية هو انت هتناسبة ولا هتاكله
ما انت موش حاسس بحاجة انا وابوك دايرن فى الساقية علشان نعلمك نكبرك ونديك فلوس
خلاص خلاص هو مرشح كل يوم ده مبيخلصش ده كوله علشان تفاحة
انتى هتزلينى وتعكنينى علية اليوم من اوله بوصى يلا انا هقوم البس واسيبلك البيت ونازل
اما اقوم اخد دقنى وشين على السريع كده قبل الشوار بس حيران موش عارف اعمل دوجلاس ولا
احلق دقنى كلها اتصل بصاحبى الانتيم اسأله يلا الموبيل فين فين فين ... اه لقيته انت مستخبى منى
انت كمان الرقم اه جارى الاتصال الووووو... اية يا مان صباحو عسل عامل اية يا واد
انا لسة صاحى اشطة عليك يا حج انت فين now
انا فى البيت يا سيدى لسة صاحى من النوم حالا بقولك اية اعمل دقنى دوجولاس ولا احلقها خالص
lol انت متصل علشان كده الله يحرقك اعملها زى ما تحب على العموم دوجلاس بتكون جامدة عليك
ماشى يا صاحبى متشكر بقولك انت هتتفرج على المتش فين بتاع بطولة اوربا ها؟؟؟
اشطة انا عارف حته كافى جامد اخر حاجة فاتح جديد يلا نروح نتفرج هناك ؟؟؟
خلاص يا صحبى عدى علية بالعربية وانا فى انتظارك هظبط نفسى واستناك
oky على معادنا سلاموززززز cya
اية ده الله يخربيتك 10 دقايق موبيل علشان الدوجلاس اومال لو هحلق شعر ودقن .!!!
يلا احلق واخد الشور والبس واستنى صاحبى اشطات
اشطة كدة تمام اخدت الشور وحلقت ولبست وضرب الجل على شعرى يلا ارن للواد علشان انزل فى السريع كده
عاوزة حاجة يا مامى انا نازل اتمشى مع صحابى سلااااااااااااااام يا جبيبتى
مع السلامة يا حبيب ماما متتاخرش زى كل يوم لوش الصبح ربنا يحميك سلاااااااااام
اشطة يا صحبى يلا نروح الكافى الجديد ده علشان نلحق الماتش بتاع بطولة اليورو 2008 اشطة باين عليها بطولة سخنة
اه كل التوقعات بتقول ايطاليا هتاخد البطولة اما نشوف بوص وصلنا يا معلم انزل عقبال لما اركن العربية واجيلك
اشطة ادخل يلا نقعد ايوة فى مكان قريب من التلفزيون اه اشطة شايف التلفزيون 29 بوصة سماعات ستريو حاجة جامدة
تحس ان اللعيب قدامك على طول موش تلفزيون بيتكوا ههههههههههههه
لا يا عم تلفزيون بيتنا اية .....ايه ده يالهوى اية الدوخانة دى كولها والريحة دى موش غريبة علية دى ريحة حشيش
اية ده يا مان هو الكافى ده بيشربوا فية حشيش ولا اية كده غلط لو البوليس كبس ولا حاجة
يا عم واحنا مالنا احنا بنتفرج على المتش وبس مالناش دعوة بحد اللى يشرب يشرب اشطة خليك فى الماتش وبس اهو الماتش ابتداء
وفى عز متابعة المتش : اية ده سامع دى صوت عربية البوليس اية ده ده ظابط وعساكر ومخبرين داخلين من الباب يالهووووووى روحنا فى داهية !!!!!!!!!
الظابط: انتوا بتعملوا اية هنا هاتهم يا عسكرى دول كمان
والله والله والله يا حضرة الظابط انا برىء
انا لو قعدت احلفلك من هنا لبكرة يا باشا انى جاى اتفرج على المتش وبس موش هتصدقنى .........!!!!!!!
متش متش اية يا روح امك انت بتتشتغلنى يلاه هاتهوم على البوكس .!!!!!!!!!!

ولنا فى الحديث بقية ما دام فى العمر باقى

هههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههه
فى انتظار الباقى طولة العمر ليك ان شاء الله
يلا لا تتأخر

اسفه جدا جدا علي التأخير
شكرا جدا علي الرد الحلو ده

الحلقة الثانية

شوفت الله يحرقك ادى اخرتها اركب البوكس يا خفيف اقول اية لامى وابوى دلوقتى ضيعت مستقبل وومستقبلك الله يحرقك.... اسكت اسكت كفاية كلام انت اية يا عم انت هو انا يعنى كنت عارف انه وكر للمخدرات ووديتك ووديت نفسى فى داهية...
يا عم انت عبيط ما بقولك ريحة الحشيش فايحة وانت تقولى واحنا مالنا احنا بنتفرج على الماتش ماتش اية وزفت اية الله يحرقك
العسكرى مسرعا...اسكت ياد انت وهو مش عاوز كلام الا لما نوصل القسم صدعتونى انتوا الاتنين موش عيب عليكم شباب زى الورد كدة وبتشربوا مخدرات ذنب اهليكم اية يا فاسد منك له له حرام عليكم المصاريف اللى بتتصرف على حضراتكم...
واللهى احنا كنا بنتفرج على الماتش بس ومكناش نعرف انه فى مخدرات ولا زفت احنا ذنبا اية يعنى .....
اخرس يا مسجون منك له له له موش عاوز كلام لما تروح القسم ابقى قول الكلام ده قدام الباشا الكبير يلا ايدنا وصلنا انزل قدامى يا مسجون انت وهو قدامى على اوضة الباشا علشان ياخد اقولكم..
الباشا.. دخلهم يا عسكرى دخل العيال اللى ممسوكين فى قضية التعاطى دول بسرعة....
حاضر يا باشا علم وينفذ حالا ....انجر يا مسجون من له له له ....
مسجون اية يا عم انت سجنتنا خلاص دة القانون بيقول المجرم برىء حتى تثبت ادانته....
انجر يااااااااد انتى هتكلم فى القانون من دلوقتى اخرس خالص وخش شوف الباشا عاوزك فى اية انجر......
الباشا .... افتح يا بنى المحضر ....
س/ اسمك وسنك وعنوانك ومهنتك؟
انا اسمى /كذا كذا كذا
عنوانى/ جمهورية مصر العربية
مهنتى / طالب جامعة
وانت كمان اسمك وسنك وعنوانك؟ومهنتك؟
زيه تمام يا باشا
اية اقولكم فيما نسب اليكم من تهمة تعاطى المخدرات الحشيش فى مقهى عام؟
والله يا باشا انا .....اصل انا عاوز اتصل با مامى وبابى
الباشا..مامى اية وبابى اية عيب عليك انت راجل جاوب على اسئلتى وبعدين هسيبك تتصل ها اية اقولك؟
واللهى يا باشا انا كنت رايح اتفرج على ماتش اسبانيا وايطاليا بتاع بطولة اليورو 2008 بس واللهى ما كنت اعرف ان الكفى شوب ده بتعاطوا فية المخدرات والدليل ان لما البوليس كبس مكنتش بعمل حاجة غير انى قاعد قدام التلفزيون.....
الباشا...كلامك كله سليم بس تحريات المباحث اثبتت انك كنت بتحضر للشرب وانك اول مرة تتردد على المكان ده .....
واللهى فعلا هو ده اللى حصل ان اول مرة ادخل المكان ده لما حصلت الكبسة واتمسكت وعمرى ما تعطيت حاجة من دى ....
الباشا....طيب وانت كمان اية اقولك واية تعليقك فى اللى قاله صاحبك؟
واللهى انا زية تمام يا باشا والله احنا كنا بنتمشى بالعربية فمعاد الماتش جه فلقينا الكافى شوب ده قدمنا روحنا داخلين واحنا منعرفش اية اللى فيه واللهى واللهى هو ده اللى حصل
الباشا..... يفرج عنهم بمبلغ مادى قدرة الفان جنيها مصريا لكل منهما واقفل المحضر فى ساعته وتاريخه.....يا عسكرى تعالى خدهم على الحجز لما حد يجى يضمنهم ويدفع لهم الكفالة...يلا خدهم
يا باشا ممكن بس تسمحلى اكلم مامى plz plz دقيقة وحده بس على الموبيل
خلاص سيبة يا عسكرى يكلم امه
..الوووووووو مامى الحقينى انا فى القسم
اية قسم قسم اية يا حبيب مامى اية اللى حصل يا حبيبى يا حبييى يا بنى انت فين وانا جايلك على طول
الحقينى يا ماما دول هيدخلونى الحجز مع المجرمين والحرمية الحقينى هاتى الفين جنية وتعالى اضمنينى بسرعة يا مامى
يالهووووووووووى ابنى ضناية هيضيع منى عنية يا حبيبى عشر تلاف موش الفين بس مية الف ولا ابنى ينام لحظة وحدة فى الحجز انا جايلك مسافة السكة مع السلامة يا حبيبى
سلام يا مامى موش تتاخر plz plz mom
suer يا حبيب قلب مامى سلااااااام
العسكرى.... انجر منك له له له على االحجز يلااااااااا قدامى
بلاش بلاش ابوس ايدك يا باشا مامى جاية وجايبة الفلوس وجاية تخرجنى plz plz يا باشا ممكن استنى نص ساعة دى فى اية حته بدال الحجز ابوس ايدك لو سمحت ............
الباشا....انت يا بنى انشف شوية انت مالك طرى كدة لية خدهم يا عسكرى على الحجز القانون قانون ولا احد فوق القانون خدهم يلااااااااااااااااااااااااااااااا
العسكرى.....انجر قدامى يلا ........ادخل يلا جوه الحجز انجز خلاينى اقفل الباب
ه ه ه ه ه شوفت اخريتها ادينا نمنا على البورش يا حلو الله يحرقك ليحرق اليوم اللى دخلنا فية الكافى ده ...
اية يا بنى مالك ما تجمد شوية ده السجن للجدعان عيب كدة احترم وقفتنا وسط المجرمين والحرمية.........
ووسط كلامهم يسمعون صوتا غليظااااااااا
كبير المجرمين ابو موته......انت يا شخص منك له صحتونى من النوووم خد ياد تعاله هنا انت جاى فى اية ياااااااد مخدرات ولا اداب ولا سرقة ولا اية ......شكلوكه كدة موش عاجبنى .......اقلع ياد الهدوم الحلوة دى .....قلعوهم وهات الاسعة والموبيل ده والفلوس ..........هههههههههههه .....عيال فرافير بصحيح شكلكوا بتفطروا نايتى ومربى هههههههههه...
لا يا عم بلاش كدة طيب طيب ......انا هقلع لوحدى خد خد القميص اه والفلوس والموبيل والساعة وكل حاجة بس سبينى ابوس ايدك انا معملتش حاجة انا دخلت هنا ظلم والله ......انتى فين يا ماما تيجى تنقذينى ابنك اتبهدل على الاخر......
كبير المجرمين......هههههه ما انت كده كده هتبوس ايدة وظلم اية وبتاع اية ياد انت هتشتغلنى ياد انت قلعوهم وخليهم يطوقوا الحمامات ويرقوه الحجز يا رجاله ...........هههههههه
لالالالالا عيب كدة والله يا عموه انت لو ليك ابن زى ترضى انه يمسح الحمامات يعنى ......
وخلال المحادثة يفتح العسكرى بابا الحجز وينادى على اسميهم يلا يا مسجون انت وهو اهاليكوا جاية تضمنكواااااا
الحمد لله احمد يا رب مامى جت تضمنى ........وخرج ليلاقى امه خارجا
مامى مامى ويرتمى بحضنها ويبكى بكاء شديدااااااااااااااااااااااااا
اية يا حبيبى مالك عملوا اية فيك جوه متعبيطش يا قلب امك كفاية كفاية يلااااااا نروح العربية بره يلا نروح بتنان ونتكلم هناك
يلا يا ماما دة انت موش هنسى اليوم ده ابداااااااااااااااااااااااااااااا

ولنا فى الحديث بقية ما دام فى العمر باقى